بنقابل ناس كتير القريب و الغريب
بنتمنى نكمل معاهم فندعي للمجيب
و لما المشاعر بتتغير و وقت ما نحب نخلع .. بنجيبها في النصيب
مين فينا محبش في يوم و محلمش مع حبيبه
إنه هيكون معاه لحد وقت النوم و إنه عمره في يوم يسيبه
و بعد وعود كتيرة و عدهاله الحبيب
جه اليوم اللي يمشي فيه بحجة النصيب
كام صحبة و كام شلة منذ الصغر حتي الكبر
دايما مع بعض إيد واحده و مكنش في حسبانهم القدر
و زي ما كنا وقت الصغر هنفضل لحد وقت الشيب
بس مرت الأيام و دارت و برضو جابوها في النصيب
عجبي عليك يا زمن .. في ناس عرفناهم و قدرناهم
و إحنا اللي بندفع التمن .. رغم إن هما اللي سابونا مش إحنا اللي سيبناهم
التقدير بقي في زمانا ضعف .. و القوة مش بالعقل القوة بقت
بالعنف
إحنا كل خوفنا بقي من النصيب مبقاش من اللي بيسيب
كأن اللي سابنا كان ملاك و النصيب هو الشيطان
إحنا زهقنا من النفاق مش دايما النصيب هو الغلطان
