بِتصعَب عَليا نَفسِي لما بكون عَشمان أنا فيهم
لما بكُون بسأل عليهم لكن هما مابيسألوش
بتصعب عليا نَفسي لما بكُون مُهتم بحبيبي و هو مش فارق معاه
و لما بيأس و برجع أبعد بيعند و بيقول إن أنا اللي بنساه
بس الواضح و الحقيقي إنهم ميستاهلوش
دي كسرة النفس مش سهلة و محدش يقدر عليها
و كل أما أديهُم مُهلة يرجعوا .. بيضيعوها
بحارب علي البقاء معاهم لكن هما مابيحاولوش
حاطين إيديهم في ماية دافية كأنهم ضامنين إنهم ميتسابوش
بيشتكوا من غدر الأحبة و هما أكبر غدارين
و بيبيعوا أحلى عِشرة و يضيعوا أحلى سنين
ما صدقت بقينا في يوم مع بعض بس الفرح بيدُوم لمين
بُكرة لما يحسوا بالوحدة هيجوا هما و يسألوا
و هيندموا على كل لحظة كانوا فيها بيستهبلوا
بس الندم مش هيفيد لإن اللي فات مابيرجعش
و كل ما يطلع فجر جديد هيخافوا أكتر على اللي ماراحش
لو أتَّعظتوا خلاص و عِقلتُوا و عايزين تاني تسألوا عَني
هنسى أي كلام أنا قولته و هنسى إن حد فيكم باعني
و لو رجوعكُم مُجرد كِدبة إبعدوا عَني
و سِيبوني أداوي جروجي
لإني مش حِمل أنا أي نَدبة تعَلم فيا
و بِسُرعة هَتصعب عَليا روحى
